Þrjú stig og upp um þrjú sæti

Mark og markaskorarar. Valdimar Daði Sævarsson, Mark Sörensen og Bjarni Guðjón Brynjólfsson fagna marki Bjarna í fyrri hálfleik. Mynd: Skapti Hallgrímsson - Akureyri.net.

Þórsarar unnu lið Gróttu, 3-1, í gær og fóru upp í 6. sæti deildarinnar.

Leikur liðanna var frestaður leikur úr 10. umferð mótsins. Þórsarar komust yfir með marki eftir rúmlega hálftíma leik og staðan 1-0 í leikhléi. Snemma í seinni hálfleik bættu þeir svo við öðru marki og því þriðja þegar um 20 mínútur voru eftir af leiknum. Grótta minnkaði muninn á lokamínútunum.

Með sigrinum og stigunum þremur klifruðu Þórsarar upp fyrir Þrótt, Grindavík og Vestra, úr 9. sætinu upp í 6. sæti. Vestri er stigi á eftir Þór, en á leik til góða. Þórsarar eru núna jafnir Leiknismönnum að stigum, bæði með 17 stig, en Leiknir hefur betri markamun. Þessi lið mætast í næstu umferð á heimavelli Leiknis.

• Leikskýrsla: Þór - Grótta - (ksi.is)
• Lengjudeild karla - 2023 - (ksi.is)
• Þórsarar aftur á sigurbraut – MYNDIR | akureyri.net

Næsti leikur liðsins verður gegn Leikni í Reykjavík laugardaginn 29. júlí kl. 14.

1-0 - Bjarni Guðjón Brynjólfsson (31').

2-0 - Valdimar Daði Sævarsson (48'). Stoðsending: Elmar Þór Jónsson.

3-0 - Valdimar Daði Sævarsson (70'). Stoðsending: Alexander Már Þórláksson.

3-1 - Aron Bjarki Jósepsson (84'). Stoðsending: Patrik Orri Pétursson.