Nóg um að vera á Þórssvæðinu um helgina

Það er fátt skemmtilegra en að kíkja við í félagsheimilið sitt, fá sér kaffibolla og líta svo út á fótboltavöll og horfa á framtíð félagsins etja kappi við gestkomandi lið allstaðar af landinu. Um helgina eru hvorki fleiri né færri en níu leikir sem hægt er að horfa á hér á svæðinu hjá krökkunum en svo endar veislan á heimaleik Þórs gegn HK í meistaraflokk karla á sunnudag kl.18.00. Við hvetjum alla Þórsara til að vera duglega að kíkja við í félagsheimilið og svo út á völl og njóta góðra stunda saman!