Þórsarar í úrslit Íslandsmótsins í Rocket League

Stefán Máni Unnarsson og Elvar Christensen, tveir af fjórum liðsmönnum Þórs sem spila munu til úrslita um Íslandsmeistaratitilinn í Rocket League-tölvuleiknum.

Lið frá rafíþróttadeild Þórs er komið í úrslitaleik um Íslandsmeistaratitil í Rocket League-tölvuleiknum eftir sigur á Breiðabliki í undanúrslitum í dag, 4-3.

Rocket Leauge er bílafótboltaleikur, en upplýsingar um hann og keppnina má finna á vef RLÍS. Liðsmenn Þórs eru Daníel Ingi Hjaltalín, Stefán Máni Unnarsson, Elvar Christensen og Elliot Webb. Úrslitaleikurinn verður í beinni á Twitch-rás mótsins: https://www.twitch.tv/rocketleagueiceland/.

Þórsarar mæta annaðhvort Lava eða Breiðabliki í úrslitaviðureigninni, en hún hefst kl. 15 á morgun, sunnudaginn 14. maí.