Lucas skrifar undir sinn fyrsta samning

Lucas í sínum fyrsta leik með meistaraflokki. Mynd - Ármann Hinrik

Lucas Vieira Thomas hefur undirritað leikmannasamning við knattspyrnudeild Þórs.

Samningurinn gildir út 2027 og er fyrsti samningur Lucas sem er fæddur árið 2009 og er því á yngsta ári í 2.flokki.

Lucas er 16 ára gamall markvörður sem er búsettur á Ólafsfirði en skipti yfir til Þórs frá KF í 3.flokki og stóð á milli stanganna þegar 3.flokkur Þórs tryggði sér Íslandsmeistaratitilinn 2024 og var einnig í markinu í lokaleiknum þegar 2.flokkur tryggði sér Íslandsmeistaratitil í haust. Eftir tímabilið hélt hann til Sviss þar sem hann var við æfingar hjá unglingaliðum svissneska úrvalsdeildarfélagsins Winterthur í eina viku.

Hann lék sinn fyrsta meistaraflokks leik í gær þegar hann varði markið hjá okkar mönnum í 2-3 sigri á KA í Kjarnafæðimótinu.

Við óskum Lucas til hamingju með fyrsta samninginn og hlökkum til að fylgjast áfram með honum í Þórsbúningnum.

Lucas og Sveinn Elías Jónsson, formaður knattspyrnudeildar, handsala samninginn.