Elmar og Sævar keppa og dæma í Malmö

24.03.2023
Íslenska landsliðið í hnefaleikum ásamt dómurum á leið á Norðurlandamótið. Myndin er af Facebook-síð…
Íslenska landsliðið í hnefaleikum ásamt dómurum á leið á Norðurlandamótið. Myndin er af Facebook-síðu hnefaleikadeildar Þórs.
Elmar Freyr Aðalheiðarson og Sævar Ingi Rúnarsson frá hnefaleikadeild Þórs eru staddir í Malmö þar sem Elmar tekur þátt í Norðurlandamótinu og Sævar verður við dómgæslu.
 
Norðurlandamótið hófst í dag og stendur fram á sunnudag. Hér er hægt að fylgjast með streymi frá mótinu: https://tuffing.streamify.io/. Hér er dagskrá mótsins: https://boxinghost.se/event/71.
 

Sævar Ingi og Elmar Freyr í flugvélinni á leið út. Myndin er af Facebook-síðu hnefaleikadeildarinnar.
 

Þórsarar á diplómamóti

Fimm fulltrúar frá hnefaleikadeild Þórs tóku þátt í diplómamóti í Kópavogi í lok febrúar. Þessi mót eru ætluð til að gefa boxurunum tækifæri á að þróa tækni og hæfileika sína ásamt því að fá að kynnast mismunandi týpum af andstæðingum og aðstæðum. Arnar Geir Kristbjörnsson, Stefán Karl Ingvarsson, Valgerður Telma Einarsdóttir, Lilja Lind Torfadóttir og Ívan Þór Reynisson voru fulltrúar Þórs á þessu móti. Nánar má lesa um viðureignir þeirra á mótinu á Facebook-síðu hnefaleikadeildarinnar.
 

Til baka