Knattspyrna: Fyrsti heimaleikur Þórs/KA í Bestu deildinni

Þór/KA tekur á móti Þrótti í 3. umferð Bestu deildar kvenna í knattspyrnu í dag og er það jafnframt fyrsti heimaleikur liðsins í deildinni í sumar. Leikurinn fer fram í Boganum og hefst kl. 18.

Þróttur er með eitt stig úr fyrstu tveimur leikjunum, gerði jafntefli við Fylki og tapaði fyrir Val. Þór/KA er með þrjú stig eftir tvo útileiki, tapaði 3-1 fyrir Val og vann 4-0 sigur á FH.

Mikilvægi stuðningsfólks hefur ekkert minnkað. Við þurfum á stuðningi fólksins að halda innan sem utan vallar. Boginn býður upp á mikla nánd milli stuðningsfólks og liðsins og því gott markmið að fylla Bogann og keyra inn í sumarið af krafti og með öflugum stuðningi úr stúkunni í fyrsta heimaleik. 

Nánar er fjallað um leikinn og breytingar á hópnum hjá Þór/KA frá því í fyrra í frétt á thorka.is: 

• Besta deildin: Fyrsti heimaleikurinn í kvöld kl. 18 | Þór/KA (thorka.is)