Handbolti: KA/Þór fær Val í heimsókn í dag

KA/Þór tekur á móti liði Vals í Olísdeild kvenna í handbolta í dag kl. 16. Staða liðanna í deildinni er gjörólík, Valur er í efsta sæti deildarinnar, en KA/Þór í því neðsta.

Leikur dagsins er í 16. umferð Olísdeildarinnar. Liðin hafa mæst tvisvar í Olísdeildinni á tímabilinu og unnu Valskonur báða leikina örugglega. Valur er á toppi Olísdeildarinnar með 28 stig úr 15 leikjum, en liðið hefur unnið alla leiki sína nema einn. KA/Þór vermir botnsætið sem stendur, en á leik til góða á liðin fyrir ofan þar sem leik liðsins gegn ÍBV var frestað um liðna helgi.

• Mót: Olísdeild kvenna
• Leikur: KA/Þór - Valur
• Staður: KA-heimili
• Dagur: Laugardagur 3. febrúar
• Tími: 15:00