Þór vann öruggan sigur á liði Snæfells í fyrstu umferð Subway-deildarinnar eftir skiptingu deildarinnar í A- og B-hluta. Þórsarar leiddu frá upphafi, voru með góða forystu eftir fyrri hálfleikinn og gengu endanlega frá sigrinum með frábærum þriðja leikhluta þegar þær skoruðu 16 stig í röð á sex mínútna kafla.

Liðin fjögur sem enduðu í 6.-9. sæti Subway-deildar kvenna í körfuknattleik eftir fyrsta hluta mótsins (18 umferðir, 16 leiki) mætast innbyrðis, heima og að heiman, á næstu vikum. Fyrsti leikur Þórs er í Stykkishólmi í kvöld.

Þórsarar máttu sætta sig við fimm stiga tap gegn Selfyssingum í 1. deild karla í körfubolta í dag. Með góða forystu í þriðja leikhluta hrökk allt í baklás og heimamenn skoruðu 19 stig gegn tveimur á um fimm mínútum. 

Þórsarar mæta Selfyssingum á útivelli í 15. umferð 1. deildar karla í körfubolta á morgun laugardag - athugið breyttan leikdag.

Á Íþróttahátíð Akureyrar sem haldin var í Hofi í dag var ekki aðeins tilkynnt um kjör á íþróttafólki Akureyrar heldur voru einnig afhentir styrkir og veittar heiðursviðurkenningar fræðslu- og lýðheilsuráðs. Þar áttum við nokkra fulltrúa.

Rétt í þessu var kjöri íþróttafólks Akureyrar fyrir árið 2023 lýst á verðlaunahátíð á vegum Íþróttabandalags Akureyrar og Akureyrarbæjar sem fram fór í Hofi. Sandra María Jessen, önnur tveggja íþróttakvenna Þórs var kjörin íþróttakona Akureyrar og Maddie Sutton, sem deilir titlinum íþróttakona Þórs með Söndru Maríu, varð í 4. sæti í kjörinu. Baldvin Þór Magnússon úr UFA var kjörinn íþróttakarl Akureyrar.

Fyrsta hluta Subway-deildar kvenna í körfubolta lýkur í kvöld og annað kvöld þegar 18. umferð deildarinnar fer fram. Okkar konur mæta Keflvíkingum í Keflavík. 

Níu stiga tap varð niðurstaðan í viðureign Þórs og Fjölnis í 1. deild karla í körfuknattleik í kvöld.

Þór tekur á móti Fjölni í 1. deild karla í körfubolta sunnudaginn 28. janúar kl. 18:15. Vakin er athygli á breyttum leikdegi, en leikurinn átti upphaflega að vera í kvöld, föstudagskvöld, en var færður yfir á sunnudag vegna mótahalds í Höllinni.