Kjöri íþróttafólks Akureyrar lýst á morgun

Íþróttabandalag Akureyrar og Akureyrarbær bjóða íbúum Akureyrar til íþróttahátíðar í Hofi á morgun þar sem hápunkturinn verður þegar kjöri íþróttafólks Akureyrar 2023 verður lýst.

Þetta verður í 45. sinn sem íþróttafólk Akureyrar er heiðrað. Athöfnin er opin öllum. Húsið verður opnað kl. 17 en athöfnin hefst kl. 17:30. ÍBA hefur birt lista yfir tíu efstu konur og tíu efstu karla í kjörinu. Þau þrjú sem verðlaunuð voru sem íþróttafólk Þórs, Elmar Freyr Aðalheiðarson, Maddie Sutton og Sandra María Jessen, eru öll þeirra á meðal.

Dagskrá hátíðar

• Hátíðin sett af formanni ÍBA
• Ávarp formanns fræðslu- og lýðheilsuráðs
• Kynning á Íslandsmeisturum 2023
• Kynning á heiðursviðurkenningum fræðslu- og lýðheilsuráðs
• Styrkveiting úr Afrekssjóði Akureyrar
• Kynning á tilnefningum tíu efstu til Íþróttafólks Akureyrar 2023
• Kjöri íþróttkarls og íþróttakonu Akureyrar 2023 lýst