Pílukast: Úrslitin ráðast í Kalt&Gott mótaröðinni

Kalt&Gott mótaröð Píludeildar Þórs - úrslitin ráðast!

Fimmtudagskvöldið 4.des - keppni hefst kl 19:00!

Eftir frábær 6 undankvöld er komið að úrslitakvöldinu. Efstu 16 karlar á stigalistanum keppa um sigur í A-keppni, þeir karlar sem enduðu í 17.-32. sæti keppa um forsetabikarinn og efstu 8 konurnar etja kappi um sigur í kvennadeild. Nú er allt undir, um er að ræða beinan útslátt og útlit fyrir mikla spennu í keppni!

Keppni hefst kl 19:00 og fyrirkomulagið verður eftirfarandi:

A-keppni (karlar)
– 16 manna úrslit: Bo7
– 8 manna úrslit og undanúrslit: Bo9
– Úrslit: Bo11

Forsetabikar (karlar)
– 16 manna úrslit, 8 manna úrslit og undanúrslit: Bo7
– Úrslit: Bo9

Kvennadeild
– 8 manna úrslit og undanúrslit: Bo7
– Úrslit: Bo9

Aðstaða píludeildar Þórs opnar kl 18:00 í kvöld og verða léttar veitingar veittar áður en keppni hefst fyrir keppendur. Stjórn Píludeildar Þórs vill þakka öllum keppendum sem tóku þátt í mótaröðinni en hún er sú fjölmennasta frá upphafi. Rúmlega 60 keppendur tóku þátt í mótaröðinni!

Hér fyrir neðan má sjá fyrirkomulag og tímasetningar leikja fyrir þá sem hafa áhuga á að kíkja við í aðstöðu píludeildar Þórs í kvöld!

• 16 manna úrslit í karlaflokki (A keppni og forsetabikar) hefjast kl 19:00 og 8 manna úrslit í kvennaflokki hefjast kl 19:00
• 8 manna úrslit í karlaflokki (A keppni og forsetabikar) og undanúrslit í kvennaflokki hefjast kl 20:30 
• Undanúrslit í karlaflokki (A keppni og forsetabikar) hefjast kl 21:15
• Úrslitaleikir í karlaflokki (A keppni og forsetabikar) hefjast kl 22:00 og úrslitaleikur í kvennaflokki hefst kl 21:30
  
  

Hlökkum til að taka á móti öllum keppendum annað kvöld og hvetjum píluáhugafólk til að mæta og fylgjast með. Spilamennskan hefur verið til fyrirmyndar í mótaröðinni og vonast er til að keppendur mæti galvaskir til leiks.

 

Tvö streymi verða á morgun í samstarfi við LiveDartsIceland á Youtube fyrir þá sem komast ekki. Hægt verður að finna slóð á beint streymi á Facebook síðu Píludeildar Þórs áður en keppni hefst í kvöld.

 

Hægt er að sjá úrslitatré og komandi viðureignir hér fyrir neðan í karlaflokki og kvennaflokki: