Tæplega 300 keppendur á 73.Goðamóti Þórs

Goðamótsmeistarar Þórs!
Mynd - SportHero

73.Goðamót Þórs fór fram um síðustu helgi þegar stelpur í 5.flokki spreyttu sig. 

Afturelding, Breiðablik, Fjarðabyggð, Hvöt/Fram, Höttur, KA, KF/Dalvík, Tindastóll, Vestri og Völsungur tóku þátt í mótinu auk Þórs, alls 33 lið frá þessum ellefu félögum.

Stelpurnar sýndu frábær tilþrif innan vallar en auk þess var nóg um að vera utan vallar. Ísferð í Ísgerðina í Kaupangi er fastur liður á Goðamótum auk þess sem keppendur gátu baðað sig í Sundlaug Akureyrar að keppnisdegi loknum. 

Goðamótsmeistarar A-liða - Breiðablik

Goðamótsmeistarar B-liða - Völsungur

Goðamótsmeistarar C-liða - Afturelding

Goðamótsmeistarar D-liða - Þór

Goðamótsmeistarar E-liða - Hvöt/Fram og Breiðablik deildu gullverðlaunum

Goðamótsskjöldinn, sem veittur er fyrir fyrirmyndar framkomu innan vallar sem utan, hlaut lið Fjarðabyggðar.

Sporthero var á svæðinu líkt og vanalega og eru ljósmyndir frá mótinu aðgengilegar mótsgestum hér.

Um næstu helgi, 17-19.mars, fer fram síðasta Goðamót vetrarins þegar strákarnir í 6.flokki keppa og er það jafnframt fjölmennasta mótið í Goðamótaröðinni í ár.