Knattspyrna: Markaveisla í Boganum, Þórsarar með fullt hús

Nikola Kristinn Stojanovic, Fannar Daði Malmquist Gíslason og Hermann Helgi Rúnarsson að loknum stórsigri á Húsvíkingum. Mynd: Þór fótbolti.

Þór vann Völsung í lokaleik liðsins í B-riðli A-deildar Kjarnafæðismótsins í kvöld. Boðið var upp á markaveislu, alls 13 mörk og 11-2 sigur niðurstaðan.

Það bar helst til tíðinda í fyrri hálfleiknum að Þórsarar skoruðu fjögur mörk á um sex mínútna kafla, eftir að þeir komust í 1-0 á 10. mínútu og staðan orðin 5-0 eftir um 18 mínútna leik. Níu mörk voru skoruð í fyrri hálfleiknum og staðan 8-1, en heldur rólegra í þeim seinni þegar Þórsarar bættu við þremur mörkum og Húsvíkingar einu. Einar Ísfjörð Sigurpálsson, markvörður Völsungs, varði síðan vítaspyrnu eftir að staðan var orðin 11-2.

Með sigrinum lýkur Þórsliðið keppni í riðlinum með fullu húsi stiga og markatöluna 22-2. Mörkin tvö sem Húsvíkingar skoruðu voru þau fyrstu sem liðið fær á sig í mótinu.

Þór - Völsungur 11-2 (8-1)

Mörkin:

• 1-0 Fannar Daði Malmquist Gíslason (10')
• 2-0 Vilhelm Ottó Biering Ottósson (13')
• 3-0 Sigfús Fannar Gunnarsson (15')
• 4-0 Ýmir Már Geirsson (18')
• 5-0 Sigfús Fannar Gunnarsson (18')
• 6-0 Kristófer Kristjánsson (24')
• 7-0 Ingimar Arnar Kristjánsson (31')
• 7-1 Jakob Héðinn Róbertsson (38')
• 8-1 Kristófer Kristjánsson (44')
  - - -
• 8-2 Jakob Gunnar Sigurðsson (48')
• 9-2 Hermann Helgi Rúnarsson (54')
• 10-2 Ingimar Arnar Kristjánsson (62')
• 11-2 Nikola Kristinn Stojanovic (63')

Umfjöllun um leikinn má einnig finna á vef Knattspyrnudómarafélags Norðurlands - sjá hér.

Þór og Völsungur ganga til leiks. Mynd: KDN.