Knattspyrna: Þór/KA2 með sigur á Völsungi

Formsatriðum fullnægt fyrir leik.

Þór/KA2 sigraði lið Völsungs í Kjarnafæðimótinu í dag og tyllti sér á topp kvennadeildar mótsins.

Hildur Anna Birgisdóttir skoraði eina mark fyrri hálfleiks og Þór/KA2 með forystuna í leikhléi. Eva S. Dolina-Sokolowska kom inn sem varamaður í leikhléinu og skoraði tvö mörk á sjö mínútna kafla. Húsvíkingar minnkuðu muninn á 72. mínútu og aftur á 84. mínútu, en komust þó ekki lengra, niðurstaðan eins marks sigur hjá okkar konum.

Völsungur - Þór/KA2 2-3 (0-1)

• 0-1 Hildur Anna Birgisdóttir (16')
• 0-2 Eva S. Dolina-Sokolowska (50')
• 0-3 Eva S. Dolina-Sokolowska (57')
• 1-3 Sjálfsmark mótherja (72').
• 2-3 Ólína Helga Sigþórsdóttir (84').

Þór/KA2 hefur unnið alla þrjá leiki sína til þessa og er á toppi deildarinnar með níu stig. Þór/KA og Tindastóll eru með sex stig, en þessi lið mætast á morgun, en þá verður aðeins einn leikur eftir, innbyrðis leikur Þór/KA-liðanna.

Úrslit leikja og stöðuna í deildinni má finna á vef KDN - sjá hér.