Viðburðaríkir dagar í Vestmannaeyjum

Í júnímánuði héldu tveir Þórshópar til Vestmannaeyja í keppnisferð sem lifir alltaf lengi í minnum þeirra sem þar taka þátt í frábærum knattspyrnumótum Eyjamanna.

Stelpurnar í 5.flokki tóku þátt í TM-mótinu dagana 9-11.júní og tefldum við Þórsarar fram þremur liðum sem öll stóðu sig með prýði en hvert lið spilaði alls tíu leiki í mótinu á keppnisdögunum þremur.

Eins og venja er á Eyjamótunum var leikinn landsleikur á milli landsliðs og pressuliðs þar sem Helena Fönn Hákonardóttir var fulltrúi Þórs.

Þór 3 fór heim með bikar eftir glæsilegan 4-2 sigur á Hamar 2 í úrslitaleik Gandíbikarsins.

Þjálfarar Þórs á mótinu voru Margrét Árnadóttir, Hulda Björg Hannesdóttir og Arnar Geir Halldórsson.

Orkumótið

Um síðustu helgi fetuðu strákarnir í 6.flokki í fótspor stelpnanna þegar þeir tóku þátt í Orkumótinu.

Þar var Þór sömuleiðis með þrjú lið sem öll áttu ágætis gengi að fagna en Þór 2 gerði sér lítið fyrir og vann Heimaklettsbikarinn eftir 4-1 sigur á HK 3 í úrslitaleik.

Líkt og hjá stelpunum var leikinn landsleikur milli landsliðs og pressuliðs þar sem Sigmundur Ævar Ármannsson var fulltrúi Þórs.

Þjálfarar Þórs á mótinu voru Garðar Marvin Hafsteinsson og Ármann Pétur Ævarsson.

TM-mótið - Þór 3 sem vann Gandíbikarinn

TM-mótið - Allur hópurinn studdi vel við Þór 3 í úrslitaleiknum.

Orkumótið - Þór 2 fagnar sigri á mótinu og unnu að lokum Heimaklettsbikarinn