Körfubolti: Sigur gegn Sindra á Hornafirði

Þórsarar bættu sigri í sarpinn í 1. deild karla í körfubolta þegar þeir mættu Sindra á Hornafirði í kvöld. 

Þórsarar höfðu yfirhöndina allan leikinn, unnu fyrstu þrjá leikhlutana, en heimamenn klóruðu í bakkann í þeim fjórða. Tólf stigum munaði eftir fyrsta leikhluta og 15 eftir fyrri hálfleikinn. Þórsarar bættu einu stigi við forystuna í þriðja leikhluta, en heimamenn minnkuðu muninn niður í níu stig áður en yfir lauk. 

Sindri - Þór (20-32) (19-22) 39-54 (26-27) (24-17) 89-98

Þór og Þróttur úr Vogum hafa bæði unnið tíu leiki, en Þróttarar eru með betri árangur í innbyrðis leikjum liðanna og eru því í 6. sæti eftir sigur á Snæfelli í kvöld. Þróttarar eiga líka leik til góða, en þeir mæta KR á mánudag. Þróttarar eiga síðan útileik gegn Fjölni í lokaumferðinni á meðan Þórsarar taka á móti Skallagrími. Lokaumferðin fer fram mánudaginn 25. mars. Með sigri á Skallagrími gætu Þórsarar farið upp í 5. sæti deildarinnar, ef Þróttarar vinna ekki Fjölni og/eða KR.

Stig/fráköst/stoðsendingar

Jason Gigliotti 26/11/5, Harrison Butler 21/5/2, Reynir Róbertsson 16/5/5, Baldur Örn Jóhannesson 15/5/4, Smári Jónsson 10/1/1, Andri Már Jóhannesson 6/0/1, Páll Nóel Hjálmarsson 3/2/0, Sigurjón Guðgeirsson Hjarðar 1/0/0. 

• Ítarleg tölfræði leiksins (kki.is)

Næst

• Leikur: Þór - Skallagrímur
• Staður: Íþróttahöllin á Akureyri
• Dagur: Mánudagur 25. mars
• Tími: 19:15
• Útsending: Þór TV