Kvennakvöld í pílukasti

Píludeildin er að fara af stað með verkefni til að fjölga konum í pílukastinu og býður upp á kvennakvöld fyrsta og þriðja þriðjudag í hverjum mánuði til áramóta.

Hrefna Sævarsdóttir, margreynd pílukona og margfaldur meistari úr röðum Þórs, verður á staðnum, tekur á móti þátttakendum og leiðbeinir eftir þörfum. Hjá píludeildinni er allt til alls, lánspílur á staðnum.

Fyrsta kvennakvöldið verður annað kvöld, þriðjudaginn 5. september. Píludeildin er með aðstöðu í Íþróttahúsinu við Laugargötu og verður húsið opnað kl. 19:30, byrjað að kasta kl. 20.