Sandra María valin í A-landsliðið

Sandra María Jessen.
Mynd - Skapti Hallgrímsson

Sandra María Jessen er í hópi A-landsliðsins fyrir tvo æfingaleiki í lok nóvember og byrjun desember.

Ísland mætir Kanada og Danmörku í tveimur æfingaleikjum sem fram fara á Pinatar Arena í Alicante á Spáni. Hópurinn var tilkynntur í dag og þar eigum við okkar fulltrúa eins og áður. Sandra María Jessen er í hópnum.

Ísland mætir Kanada föstudaginn 29. nóvember og Danmörku mánudaginn 2. desember.

Sandra María hefur verið fastamaður í landsliðinu að undanförnu en alls hefur hún leikið 45 A-landsleiki og skorað í þeim 6 mörk.

Við óskum Söndru til hamingju með valið og góðs gengis í verkefninu!