Sigurður Marinó heiðraður

Sigurður Marinó Kristjánsson fékk blómvönd og myndir af sjálfum sér frá ferlinum með Þór.

Fyrir leik Þórs og Grindavíkur í lokaumferð Lengjudeildarinnar á laugardag var Sigurður Marinó Kristjánsson heiðraður af stjórn knattspyrnudeildar.

Sigurður Marinó hefur lagt skóna á hilluna, en hann lék langmestan hluta ferils síns með Þór. Hann á að baki alls 356 leiki í mótum á vegum KSÍ, 327 með Þór og 29 með Magna. Auk þessara leikja eru svo fjórir Evrópuleikir. Sigurður Marinó spilaði 56 leiki með Þór í efstu deild.