Subway-deildin: Þór mætir Snæfelli í kvöld

Í kvöld kl. 18:15 er komið að öðrum heimaleik Þórs í Subway-deild kvenna í körfubolta þegar lið Snæfells mætir í Höllina.

Eftir sigur á Stjörnunni í fyrsta leik mættu okkar konur liði Fjölnis í annarri umferðinni og töpuðu þeim leik með átta stiga mun. Snæfell hefur tapað báðum leikjum sínum, fyrst á móti Haukum úti og svo Grindavík heima.

Fyrsti heimaleikur Þórs var hin besta skemmtun og stemningin frábær innan og utan vallar og engin ástæða til að búast við öðru í kvöld.

Fyrir þau sem ekki komast á leikinn er tækifæri til að horfa á útsendingu í Þór TV.