Tækniskóli Þórs og Þórs/KA í páskafríinu

Tækniskóli Þórs og Þórs/KA 2024 fer fram dagana 25-27.mars næstkomandi.

Þjálfarateymi meistaraflokksliðanna okkar munu sjá um skólann ásamt leikmönnum meistaraflokks og því kjörið tækifæri fyrir iðkendur í 4-7.flokki (1-8.bekkur) að æfa undir leiðsögn okkar færustu þjálfara. Einnig munu leikmenn meistaraflokkanna koma að þjálfun á þessum æfingum þar sem áhersla verður á tækniæfingar.

Meistaraflokkur Þórs sér um strákahópinn og meistaraflokkur Þórs/KA um stelpuhópinn.

Tækniskóli fyrir 4-5.flokk verður mánudag, þriðjudag og miðvikudag en mánudag og þriðjudag hjá 6-7.flokki. Æfingarnar eru 90 mínútur en auk æfinganna verður fyrirlestur í boði fyrir eldri hópinn á miðvikudeginum.

Æfingar munu fara fram fyrri part dags (Milli klukkan 10 og 14) en nákvæm tímasetning verður gefin út um leið og fjöldi skráninga liggur fyrir.

Gjald í skólann er 10.500 kr. fyrir 4-5.flokk og 5.500 kr. fyrir 6-7.flokk.

Skráning í skólann fer fram í gegnum Sportabler með því að smella hér. Velja réttan aldur og hóp.

Skráningarfrestur til 20.mars.