Úr leik í bikarnum eftir tap í undanúrslitum

Mynd - Palli Jóh.

Okkar konur í körfuboltanum eru úr leik í VÍS bikarnum eftir tap gegn Grindavík í undanúrslitaleik sem fram fór í Smáranum í Kópavogi í kvöld.

Stórt skarð var hoggið í okkar lið þar sem Esther Fokke gat ekkert beitt sér í leiknum vegna meiðsla en hún hefur verið einn allra besti leikmaður liðsins í vetur og munaði um minna.

Eftir erfiðan fyrri hálfleik sýndi Þórsliðið klærnar í þriðja leikhluta og náði forystunni en Grindavíkurkonur reyndust sterkari í fjórða leikhlutanum og unnu að lokum tólf stiga sigur, 92-80.

Smelltu hér til að skoða tölfræðina úr leiknum.

Umfjöllun Vísis og umfjöllun Morgunblaðsins.