Kristófer framlengir við Þór

Kristó lék 12 leiki í deild og bikar síðastliðið sumar og skoraði eitt mark en meiðsli héldu Kristó frá vellinum yfir hásumarið og kom hann öflugur inn í byrjunarliðið á lokakafla mótsins þegar liðið tryggði sér toppsæti deildarinnar.

 

Kristó er 22 ára gamall og hefur spilað 81 leik fyrir Þór og skorað fimm mörk. Kristó á einnig tvo landsleiki fyrir U19 ára landslið Íslands.

 

Við óskum Kristó til hamingju með samninginn og hlökkum til að fylgjast með honum í baráttunni næsta sumar.