Lucas til reynslu í Sviss

Lucas Vieira Thomas.

Þórsarinn Lucas Vieira Thomas dvaldi á dögunum í Sviss þar sem honum var boðið að koma og æfa hjá svissneska úrvalsdeildarfélaginu Winterthur.

Lucas er 16 ára gamall markvörður, fæddur árið 2009 og var því á eldra ári 3.flokks síðasta sumar en lék nær eingöngu með 2.flokki hjá Þór.

Hann stóð meðal annars milli stanganna þegar Þórsarar tryggðu sér Íslandsmeistaratitilinn með 3-1 sigri á Breiðablik í lokaumferð Íslandsmótsins í haust. Lucas var einnig hluti af Íslandsmeistaraliði Þórs í 3.flokki 2024.

Lucas æfði með U17 ára liði Winterthur og lét vel af dvöl sinni í Sviss.

Við óskum okkar manni til hamingju með þetta flotta tækifæri.