Tryggvi Snær á ferð í Þorpinu

Að sjálfsögðu fengu þátttakendur áritaða mynd af Tryggva Snæ og svo myndatöku með honum einnig.

Það var mikil gleði og hamagangur í íþróttahúsi Glerárskóla í dag þegar landsliðsmaðurinn og Þórsarinn Tryggvi Snær Hlinason mætti á körfuboltanámskeið sem haldið var til styrktar æfingaferð meistaraflokks kvenna. 

Hópnum var skipt í tvennt, þau yngri (2012-2017) voru fyrir hádegið, en þau eldri (2007-2011) eftir hádegið. Um 70 krakkar mættu í íþróttahús Glerárskóla til að fá leiðsögn í körfubolta, leika sér og hitta Tryggva Snæ. Það var greinilegt að Tryggvi naut sín í hlutverki þjálfarans í samstarfi þjálfara körfuknattleiksdeildarinnar. Við látum myndirnar tala. 

Ágóðinn af námskeiðinu rennur upp í kostnað við æfingaferð meistaraflokks kvenna, eins og kunnugt er munu stelpurnar okkar leika í Subway-deildinni á næsta tímabili. Hópurinn hefur verið að safna sér upp í ferðina með harðfisksölu, happdrætti og fleiru undir dyggri stjórn þjálfara síns, Daníels Andra Halldórssonar.

Enn er hægt að styðja við bakið á stelpunum, til dæmis með því að leggja inn á reikning 0566-26-690889, kt. 690888-1149.

Myndaalbúm.

Eldri hópurinn að loknu námskeiðinu, ásamt Tryggva Snæ og þjálfurum frá Þór. Smellið á myndina til að opna albúm með fleiri myndum.