Upplýsingar um sumaræfingar fótboltans

Sumaræfingar hjá yngri flokkum Þórs í fótbolta hefjast þriðjudaginn 10.júní næstkomandi en fram að þeim tíma er æft samkvæmt tímasetningum á Abler.

Æfingatafla sumarsins er tilbúin og má nálgast hana og fleiri hagnýtar upplýsingar með því að smella hér.

Mjög mikilvægt er að foreldrar gangi frá skráningu á Abler en Abler er sérstakt samskiptaforrit sem þjálfarar nýta til að miðla öllum upplýsingum um æfingar, breytingar á æfingatímum og allt annað sem tengist starfinu.

Smelltu hér til að fá upplýsingar um skráningu í fótbolta.

Ljóst er að Þórssvæðið mun iða af lífi í allt sumar en fótboltaæfingar eru í gangi frá klukkan 9 á morgnana til 20 á kvöldin flesta daga sumarsins auk fjölda leikja í Íslandsmótum. Eins og flestir Þórsarar vita standa miklar framkvæmdir yfir á Ásnum þar sem senn mun rísa gervigrasvöllur sem mun umbylta öllu starfi knattspyrnudeildar. Á meðan beðið er eftir að völlurinn verður klár er aðalvöllurinn mikið nýttur undir æfingar og leiki yngri flokka en yngstu flokkar æfa mest á Lundinum líkt og undanfarin ár, að undanskildum 8.flokki sem æfir á Skansi en einnig er Boginn nýttur þegar á þarf að halda.

Vanti þig einhverjar frekari upplýsingar er hægt að hafa samband við eftirtalda aðila

Arnar Geir Halldórsson, yfirþjálfari - arnar@thorsport.is

Margrét Árnadóttir, yfirþjálfari 5-8.flokks kvenna - margret@thorsport.is

Garðar Marvin Hafsteinsson, yfirþjálfari 5-8.flokks karla - gardar@thorsport.is

Í tilefni af upphafi sumarstarfsins er Þórs æfingabolur á sérstöku tilboðsverði hjá Macron fram til 10.júní og má ganga frá pöntun hér.