Fréttir & Greinar

Körfubolti: Þórsarar áfram eftir ævintýralegan viðsnúning

Þór vann Skallagrím í oddaleik í einvígi liðanna í úrslitakeppni 1. deildar karla og mætir ÍR í fjögurra liða úrslitum um laust sæti í Subway-deildinni.

Handbolti: Tap eftir framlengingu í fyrsta leik

Eftir að hafa elt Fjölnismenn nær allan leikinn náðu Þórsarar að jafna í lokin og knýja fram framlengingu, en heimamenn í Fjölni voru sterkari í framlenginunni, unnu fjögurra marka sigur og tóku forystu í einvíginu.

Körfubolti: Oddaleikur gegn Skallagrími í Höllinni í kvöld

Þórsarar taka á móti Skallagrími í oddaleik í einvígi liðanna í úrslitakeppni 1. deildar karla í körfubolta í Höllinni í kvöld. Leikurinn hefst kl. 19:15. Stuðningsfólk er hvatt til að mæta snemma og hita vel upp saman með borgara og spjalli.

Handbolti: Einvígi Þórs og Fjölnis hefst í dag

Þórsarar sækja Fjölnismenn heim í Grafarvoginn í dag þegar liðin mætast í fyrsta leik úrslitakeppni Grill 66 deildar karla í handbolta. Þórsarar senda stuðningsfólki syðra ákall um að mæta í Fjölnishöllina og styðja strákana.

Knattspyrna: Bryndís Eiríksdóttir til liðs við Þór/KA

Þór/KA hefur samið við Bryndísi Eiríksdóttur (2005) og knattspyrnudeild Vals um að Bryndís leiki með Þór/KA í sumar á lánssamningi frá Val. Bryndís æfði með Þór/KA um liðna helgi og tók þátt í æfingaleik með liðinu gegn Völsungi. Í framhaldi varð úr að hún kæmi norður og spilaði með Þór/KA í sumar.

Körfubolti: Tap í Borgarnesi – oddaleikur í Höllinni

Eftir þrjá hnífjafna leiki í einvígi Þórs og Skallagríms í úrslitakeppni 1. deildar karla í körfubolta fengu okkar menn á baukinn í Borgarnesi í gær. Einvígið er jafnt, 2-2, og verður oddaleikur í Íþróttahöllinni á Akureyri á laugardag.

Pílukast: Valþór Atli með 11 pílna leik á Iceland Open

Þórsarar sendu vaska sveit pílukastara suður um liðna helgi til þátttöku í Iceland Open/Masters sem haldið var í Reykjavík. Valþór Atli Birgisson náði lengst okkar manna, komst í 16 manna úrslit og spilaði til að mynda einn 11 pílna leik, sem er frábær árangur.

Körfubolti: Komast okkar menn áfram í kvöld?

Þórsarar eru á leið í Borgarnes þar sem þeir mæta liði Skallagríms í fjórða leik liðanna í fyrstu umferð úrslitakeppni 1. deildar karla í körfubolta. 

Körfubolti: Stelpurnar hafa lokið keppni

Áhugaverðu og í raun ævintýralegu tímabili kvennaliðs Þórs í körfubolta lauk í gærkvöld þegar liðið mætti Grindavík í þriðja leik liðanna í átta liða úrslitum Subway-deildarinnar. Grindvíkingar höfðu sigur og unnu einvígið. Þórsliðið er því úr leik og hefur lokið keppni þetta árið.

Körfubolti: Þriðji leikur Þórs og Grindavíkur í kvöld

Þriðji leikur í einvígi Þórs og Grindavíkur í átta liða úrslitum Subway-deildar kvenna í körfubolta fer fram í Smáranum í Kópavogi í kvöld. Grindvíkingar eru með pálmann í höndunum eftir tvo sigra, en Þórsliðið verður að vinna til að halda lífi í einvíginu.