Addi Mall stýrði sínu liði til silfurs

Mynd - Bergischer HC

Bergischer HC, sem Þórsarinn Arnór Þór Gunnarsso þjálfar, fékk silfurverðlaun í þýsku bikarkeppninni í handbolta um helgina.

Liðið tapaði úrslitaleiknum gegn Fuchse Berlin en Addi stýrði liði sínu til sigurs í ótrúlegum undanúrslitaleik á laugardag þar sem Bergischer hafði betur gegn handboltastórveldinu Magdeburg í leik sem fór alla leið í vítakeppni.

Um er að ræða sögulegan árangur fyrir Bergischer en þetta var í fyrsta skiptið í sögu félagsins sem liðið kemst alla leið í úrslitaleik þýsku bikarkeppninnar.