Harpa Karen á skotskónum í fyrsta landsliðsverkefninu

Bríet Sara í treyju númer 11 og Harpa Karen númer 16.

Þórsarinn Harpa Karen Karlsdóttir skoraði eitt marka Íslands U15 á UEFA Development móti sem fram fór á Spáni. Bríet Sara Níelsdóttir var einnig í íslenska hópnum, kom við sögu í öllum leikjunum og bar fyrirliðaband Íslands gegn Spáni.

Íslenska liðið var í gríðarlega sterkum riðli með Spáni, Þýskalandi og Belgíu.

Harpa var í byrjunarliði Íslands í öllum leikjunum; sá fyrsti tapaðist 2-0 fyrir Þýskalandi, í öðrum leiknum varð jafntefli við Belgíu 3-3 þar sem Harpa skoraði annað mark íslenska liðsins. Lokaleikurinn gegn Spáni tapaðist 3-0.

Harpa og Bríet voru báðar hluti af Íslandsmeistaraliði Þór/KA/VDK í sumar.

Við óskum stelpunum til hamingju með sína fyrstu landsleiki.