Kevin Vazquez í Þór

Knattspyrnudeild Þórs hefur samið við spænska knattspyrnumanninn Kevin Vazquez og gerir hann samning út árið 2027.

Kevin er 33 ára gamall bakvörður sem lék síðast með spænska B-deildarliðinu Sporting Gijon þar sem hann hefur leikið síðustu tvö tímabil. Þar á undan lék Kevin með spænska úrvalsdeildarliðinu Celta Vigo sem er hans uppeldisfélag. Á ferli sínum þar lék hann 82 leiki með aðalliði Celta í La Liga og Copa del Rey og þónokkra af þeim sem fyrirliði.

Við bjóðum Kevin velkominn í Þorpið og hlökkum til að fylgjast með honum í baráttunni með strákunum okkar.