Knattspyrna: Þórsarar áfram eftir sigur á Fjölni

Ingimar Arnar Kristjánsson hirðir boltann úr neti þá verðandi bikarmeistara Víkings þegar Þór og Víkingur mættust í átta liða úrslitum Mjólkurbikarsins í fyrra. Mynd:

Þórsarar eru komnir í átta liða úrslit Mjólkurbikarkeppni karla í knattspyrnu eftir 2-0 útisigur á Fjölni í dag. Ingimar Arnar Kristjánsson skoraði bæði mörk Þórs í seinni hálfleiknum.

Markalaust var í fyrri hálfleiknum, en Ingimar Arnar kom Þór yfir á 59. mínútu þegar hann skallaði boltann yfir markvörð Fjölnis eftir langa sendingu fram. Annað markið kom um það bil 20 mínútum síðar þegar hann afgreiddi sendingu inn fyrir vörnina laglega í stöng og inn.

Mjólkurbikarinn: Fjölnir - Þór 0-2 (0-0)

• 0-1 - Ingimar Arnar Kristjánsson (59').
• 0-2 - Ingimar Arnar Kristjánsson (79').
• Leikskýrsla: Fjölnir - Þór - (ksi.is)
• Mjólkurbikarkeppnin - (ksi.is)
• Mörkin (Rúv íþróttir, 3:24)

Þór er fyrsta liðið til að tryggja sér sæti í átta liða úrslitunum en aðrir leikir fara fram á miðvikudag, fimmtudag og föstudag. Dregið verður í átta liða úrslitin þriðjudaginn 21. maí. Leikirnir í átta liða úrslitum eru á dagskrá 12. og 13. júní.