KA/Þór vann Fram á útivelli

KA/Þór bætti við þriðja sigrinum í röð á einni viku þegar liðið mætti Fram á útivelli. Tveir sigrar í röð í deildinni og bikarsigur í miðri viku. Liðið er komið með fimm stig í deildinni, en situr áfram í 6. sætinu. Lokatölur í dag urðu 21-22.

Leikurinn var jafn og spennandi frá byrjun, en KA/Þór með frumkvæðið þar til í stöðunni 4-7 þegar Fram skoraði sjö mörk í röð og breytti stöðunni í 11-7. KA/Þór svaraði þessu áhlaupi, jafnaði leikinn og náði aftur forystunni og frumkvæðinu í leiknum. KA/Þór hafði eins marks forystu í leikhléi, 11-12. Seinni hálfleikurinn var hnífjafn og spennandi, en KA/Þór áfram með frumkvæðið. Fram náði að jafna nokkrum sinnum, en KA/Þór svaraði og hékk á forystunni til enda. Eftir spennandi lokamínútur var niðurstaðan eins marks sigur KA/Þórs, 21-22.

Matea Lonac sýndi frábæra frammistöðu í marki KA/Þórs í dag, með 43% markvörslu. Hún varði 16 skot, þar af tvö víti. Lydía Gunnþórsdóttir skoraði flest mörk KA/Þórs, fimm.

Ítarleg tölfræði á hbstatz.is

Staðan í deildinni (hsi.is).

Fram
Mörk: Dagmar Guðrún Pálsdóttir 6, Kristrún Steinþórsdóttir 4, Alfa Brá Hagalín 3, Lena Margrét Valdimarsdóttir 3, Harpa María Friðgeirsdóttir 2, Erna Guðlaug Gunnarsdóttir 1, Elma Ólöf Guðjónsdóttir 1, Íris Anna Gísladóttir 1.
Varin skot: Ethel Gyða Bjarnason 9 (30%).
Refsingar: 6 mínútur.

KA/Þór
Mörk: Lydía Gunnþórsdóttir 5, Bergrós Ásta Guðmundsdóttir 4, Anna Þyrí Halldórsdóttir 3, Nathalia Soares Baliana 3, Rakel Sara Elvarsdóttir 2, Rafaele Nacimento Fraga 2, Kristín A. Jóhannsdóttir 2, Isabella Fraga 1.
Varin skot: Matea Lonac 16 (43,2%).
Refsingar: 12 mínútur.

Næsti leikur liðsins er gegn ÍBV í Eyjum laugardaginn 4. Nóvember.

• Deild: Olísdeild kvenna
• Leikur: ÍBV - KA/Þór
• Staður: Vestmannaeyjar
• Dagur: Laugardagur 4. nóvember
• Tími: 14:00