Þór TV fer yfir á Livey

Þór TV hefur í nokkurn tíma streymt útsendingum leikja í gegnum Vimeo, en nú færum við okkur yfir á Livey.

Leikur Þórs og Selfoss í 1. deild karla í körfuknattleik í kvöld verður sá fyrsti sem fer þar í gegn, en áskriftir sem hafa verið í gildi í gegnum sjötta manninn munu að sjálfsögðu virka áfram. Þegar smellt er á Þór TV hnappinn efst til hægri á forsíðu thorsport.is eða farið á slóðina thorsport.is/tv opnast síða þar sem sjá má næsta leik sem streymt verður, ásamt leikjum sem eru á dagskrá á næstunni. Þar eru núna komnir inn næstu leikir í körfuboltanum, en við eigum eftir að færa yfir þá leiki í Kjarnafæðismótinu í knattspyrnu sem eru á dagskrá hjá Þór TV á næstunni.

Við munum segja nánar frá þessu á næstu dögum, en almennt munu notendur ekki finna fyrir mikilli breytingu, að öðru leyti en því að þegar farið er inn á Þór TV kemur upp önnur síða, eða annað viðmót, en áður.

Þór TV - tengill á nýja svæðið.