Stelpurnar okkar í körfuboltanum láta mótlæti ekki á sig fá og þrátt fyrir meiðslavandræði eftir síðasta leik áttu þær flottan leik á útivelli gegn Stjörnunni í kvöld. Aðeins vantaði örlítið upp á í lok leiks og niðurstaðan sex stiga sigur Stjörnunnar í hnífjöfnum leik.

Þór og Keflavík mætast í Íþróttahöllinni á Akureyri í Subway-deild kvenna í körfubolta í dag. Leikurinn hefst kl. 17.

Þórsarar mæta Þrótti úr Vogunum í 8. umferð 1. deildar karla í körfubolta í kvöld. Leikurinn fer fram í Sandgerði þar sem ekki er til staðar löglegt hús í Vogunum fyrir Þróttara til að spila heimaleiki sína.

Það er skammt stórra högga á milli hjá stelpunum okkar í Subway-deildinni því í kvöld mæta þær toppliði deildarinnar, Keflavík, í Íþróttahöllinni á Akureyri. Leikurinn hefst kl. 20:15. Vakin er athygli á óvenjulegum leiktíma.

Grindvíkingar sigruðu Þór í Subway-deild kvenna í körfubolta í dag með 30 stiga mun. Við óvenjulegar og undarlegar aðstæður náðu Þórsstelpurnar ekki að sýna sitt rétta andlit nema á stuttum köflum í leiknum og það er ekki nóg gegn góðu liði eins og Grindavíkurliðið er.

Eftir landsleikjahlé er aftur komið að Subway-deild kvenna í körfubolta og má segja að á dagskrá í dag sé sögulegur leikur. Stelpurnar okkar mæta Grindvíkingum á útivelli, en þó ekki í Grindavík af ástæðum sem öllum eru væntanlega kunnugar. Leikurinn fer fram í Smáranum í Kópavogi.