Einn frá Þór og tvær úr KA/Þór á meðal tíu efstu

Bjarni Guðjón Brynjólfsson og Ragnar Sverrisson þegar hinn fyrrnefndi var kjörinn íþróttakarl Þórs 2022. Mynd: Skapti Hallgrímsson - akureyri.net.

Kjöri íþróttafólks Akureyrar verður lýst í Hofi þriðjudaginn 24. janúar.

ÍBA hefur birt lista yfir tíu efstu karla og tíu efstu konur í kjörinu á íþróttafólki Akureyrar fyrir árið 2022. Á þeim listum eru Bjarni Guðjón Brynjólfsson, knattspyrnu- og íþróttakarl Þórs, og tveir leikmenn úr handknattleiksliði KA/Þórs, Rakel Sara Elvarsdóttir og Rut Jónsdóttir. 

Dagskrá hátíðarinnar ásamt lista yfir tíu efstu konur og tíu efstu karla í kjörinu má sjá hér í frétt á vef ÍBA.