Christian Greko Jakobsen í Þór

Velkominn í Þorpið!
Mynd - Skapti Hallgrímsson - Akureyri.net

Knattspyrnudeild Þórs hefur samið við Danann Christian Greko Jakobsen um að leika með liðinu út árið 2027.

Greko kemur til Þórs frá Hvidovre í Danmörku þar sem hann hefur leikið undanfarin þrjú tímabil en hann hefur einnig leikið fyrir Lyngby, SonderjyskE, Bröndby og Roskilde á sínum ferli.

Hann er fjölhæfur leikmaður sem getur leikið allar stöður framarlega á vellinum.

Greko, sem er 32 ára gamall, hefur leikið 196 leiki í dönsku úrvalsdeildinni og skorað í þeim 36 mörk en á einnig yfir 100 leiki í dönsku B-deildinni.

Greko er mættur til Akureyrar og mun hefja æfingar með liðinu strax en fær félagaskipti þegar félagaskiptaglugginn hérlendis opnar þann 17.júlí næstkomandi.

Við bjóðum Greko velkominn í Þorpið!