Jafntefli á Selfossi, Aron Ingi með tvö glæsimörk

Þór náði aðeins jafntefli gegn Selfyssingum í 18. umferð Lengjudeildarinnar, en er þó enn með í baráttunni um umspilssæti deildarinnar.

Þórsarar komust yfir í fyrri hálfleik með marki Arons Inga Magnússonar, en Selfyssingar jöfnuðu í seinni hálfleik og komust yfir sjö mínútur voru eftir af venjulegum leiktíma, í bæði skiptin eftir hornspyrnu. Þeir héldu forystunni þó ekki lengi því Aron Ingi skoraði sitt annað mark skömmu síðar og jafnaði í 2-2. Það urðu lokatölur leiksins. Bæði mörk Arons Inga voru sérlega glæsileg.

• 0-1 - Aron Ingi Magnússon (34'). Stoðsending: Alexander Már Þorláksson.
• 1-1 - Guðmundur Tyrfingsson (59')
• 2-1 - Adrian Sanchez (83')
• 2-2 - Aron Ingi Magnússon (86'). Stoðsending: Ingimar Arnar Kristjánsson.

Næsti leikur Þórs er á heimavelli gegn Njarðvík föstudaginn 25. ágúst kl. 17. 

Þór er með 24 stig að loknum 18 leikjum. Vænta má spennandi keppni áfram um það hvaða lið enda í 2.-5. sæti deildarinnar og fara þar með í umspil um sæti í efstu deild. Þór er eftir leikinn á sunnudaginn tveimur stigum frá 5. sætinu þegar fjórar umferðir eru eftir. Liðið á eftir heimaleiki gegn Njarðvík, ÍA og Grindavík og útileik gegn Gróttu.

Staðan í deildinni eftir leiki gærdagsins, en tveir leikir fara fram í dag kl. 17. Grindavík og Grótta eru í sætunum fyrir neðan Þór, en þessi lið eiga bæði útileik í dag kl. 18 og gætu með sigri farið upp fyrir Þór.

Upptaka af leiknum er á YouTube-rás Lengjudeildarinnar, en hér að neðan er hægt að fara beint inn og skoða hvert mark fyrir sig.

0-1 - Aron Ingi Magnússon (34').

1-1 - Guðmundur Tyrfingsson (59')

2-1 - Adrian Sanches (83')

2-2 - Aron Ingi Magnússon (87')