Knattspyrna: Fyrsti leikurinn í Lengjudeildinni í kvöld

Þórsarar hefja leik á Íslandsmóti karla í knattspyrnu í dag þegar þeir sækja Þróttara heim í Laugardalinn í 1. umferð Lengjudeildarinnar. Stuðningsfólk syðra ætlar að hittast í Ölveri og hefja upphitun kl. 17, en leikurinn hefst kl. 19:15.

Þórsliðið hefur verið mikið í umræðunni í vetur með tilkomu nýs þjálfara Sigurðar Höskuldssonar, en einnig deftir góðan árangur í Lengjubikarnum og þær breytingar sem orðið hafa á leikmannahópnum, auk þess sem liðið er komið í 16 liða úrslit Mjólkurbikarkeppninna. Spámenn setja liðið ofarlega í Lengjudeildinni, en svo tekur alvaran við í kvöld og eins og í öllum íþróttum er öflugur stuðningur gulls ígildi. Það sýnir sig ítrekað og stefnir í góðan stuðning heima og að heiman. Þórsarar ætla að hittast í Ölveri frá kl. 17 og halda svo þaðan á Avis-völlinn í Laugardalnum, heimavöll Þróttar, og hefja Lengjudeildarslaginn af krafti.

Leikmannahópurinn

• Alexander Már Þorláksson
• Aron Birkir Stefánsson
• Aron Ingi Magnússon
• Auðunn Ingi Valtýsson
• Árni Elvar Árnason
• Ásbjörn Líndal Arnarsson
• Birgir Ómar Hlynsson
• Birkir Heimisson
• Bjarki Þór Viðarsson
• Davíð Örn Aðalsteinsson
• Egill Orri Arnarsson
• Einar Freyr Halldórsson
• Elmar Þór Jónsson
• Fannar Daði Malmquist Gíslason
• Haukur Leó Þórðarson
• Hermann Helgi Rúnarsson
• Ingimar Arnar Kristjánsson
• Jón Jökull Hjaltason
• Kjartan Ingi Friðriksson
• Kristófer Kristjánsson
• Marc Rochester Sörensen
• Rafael Victor
• Ragnar Óli Ragnarsson
• Sigfús Fannar Gunnarsson
• Sigurður Jökull Ingvason
• Sverrir Páll Ingason
• Vilhelm Ottó Biering Ottósson
• Ýmir Már Geirsson

Komnir

• Auðunn Ingi Valtýsson (úr láni hjá Dalvík/Reyni)
• Árni Elvar Árnason frá Leikni
• Birkir Heimisson frá Val
• Jón Jökull Hjaltason frá ÍBV
• Rafael Victor frá Njarðvík
• Sigfús Fannar Gunnarsson (úr láni hjá Dalvík/Reyni)

Samningsbundnir leikmenn á láni

• Atli Þór Sindrason í Kormák/Hvöt
• Haukur Helgason í KF
• Kristinn Bjarni Andrason í Kormák/Hvöt
• Nökkvi Hjörvarsson í Kormák/Hvöt
• Pétur Orri Arnarson í Kormák/Hvöt
• Viðar Már Hilmarsson í Magna

Farnir

• Akseli Kalermo til Finnlands
• Bjarni Guðjón Brynjólfsson í Val
• Kristján Atli Marteinsson í ÍR
• Nikola Kristinn Stojanovic í Dalvík/Reyni
• Ómar Castaldo Einarsson í Víking Ó.
• Rafnar Máni Gunnarsson í Völsung
• Sigurður Marinó Kristjánsson, hættur
• Valdimar Daði Sævarsson í Gróttu