Körfubolti: Þórsarar sækja Fjölni heim

Þór spilar þriðja leik sinn í 1. deild karla í körfubolta í kvöld þegar drengirnir halda í Grafarvoginn þar sem þeir mæta liði Fjölnis.

Þórsarar munu væntanlega selja sig dýrt til að ná í fyrsta sigurinn á tímabilinu, en þeir hafa spilað tvo leiki og tapað báðum. Fjölnir hefur hins vegar unnið báða sína leiki, fyrst Sindra heima og svo Snæfell úti og skoruðu yfir 100 stig í báðum leikjunum.

• Deild: 1. Deild karla
• Leikur: Fjölnir - Þór
• Staður: Dalhús
• Dagur: Föstudagur 20. Október
• Tími: 19:15