Pílukast: Breki Þór og Hrefna Lind Íslandsmeistarar ungmenna í pílukasti

Íslandsmót ungmenna var haldið síðastliðin laugardag, 25. apríl, á Bullseye í Reykjavík. Fjölmennt var á mótinu en 72 krakkar mættu til leiks og keppt var í tveimur aldursflokkum í drengja- og stúlknaflokki, 9-13 ára og 14-18 ára. 

6 keppendur frá Píludeild Þórs tóku þátt í mótinu og stóðu sig öll með prýði.

Breki Þór og Hrefna Lind unnu alla sína leiki og stóðu uppi sem Íslandsmeistarar í sínum flokkum á Íslandsmótinu. Óskum þeim til hamingju með sigurinn!

Þess má til gamans geta að Hrefna Lind var á dögunum valin í U18 ára landslið Íslands í pílukasti sem fer til Limerick á Írlandi í sumar að taka þátt í alþjóðlegu móti. 

Baltasar Ragnar endaði í 3.-4. sæti í sínum aldursflokk.

Frábær árangur hjá keppendum píludeildar Þórs um helgina.

Drengir 14-18 ára:
-Baltasar Ragnar Birgisson
-Júlían Máni Jóhannsson

Stúlkur 14-18 ára:
-Hrefna Lind Jónasdóttir

Drengir 13 ára og yngri:
-Breki Þór Sævarsson
-Dagur Sær Jóhannsson
-Halldór Jarl Birgisson

Hér er hægt að lesa um mótið og skoða myndir sem teknar voru á laugardaginn. Mótinu var streymt á Youtube síðu LiveDartsIceland og hægt er að sjá úrslitaleiki Hrefnu og Breka hér. Tvö streymi voru í boði og er hitt streymið hér.

Æfingar hja Píludeildar Þórs fyrir krakka og unglinga eru á mánudögum og miðvikudögum:
1.-5. bekkur: kl 16:45 - 17:45
6.-10. bekkur: kl 17:45 - 18:45
Þjálfari er Óskar Jónasson.

Þór | Píla | Námskeið | Abler