Sex Þórsarar í pílukeppni RIG

Sex keppendur eru frá píludeild Þórs í pílukeppni RIG, Reykjavik International Games. Riðlakeppnin fer fram í kvöld.

Keppni í kvennaflokki fer fram í Píluklúbbnum að Reykjavíkurvegi 64 í Hafnarfirði. Þar eiga Þórsarar einn fulltrúa, Hrefnu Sævarsdóttur. Karlarnir spila í aðstöðu Pílufélags Reykjavíkur við Tangarhöfða. Þar eru þeir Davíð Örn Oddsson, Garðar Þórisson, Óskar Jónasson, Sigurður Þórisson og Viðar Valdimarsson fulltrúar Þórsara.

Keppni í riðlum fer fram í kvöld, en síðan heldur mótið áfram með útsláttarkeppni á pílustaðnum Bullseye við Snorrabraut á morgun. 

Hér má sjá skiptingu í riðla.

Í annarri frétt á vef Íslenska pílukastsambandsins - sjá hér - eru nánari upplýsingar um keppnisfyrirkomulag og tímasetningar.

Viðar Valdimarsson, Hrefna Sævarsdóttir og Davíð Örn Oddsson.

Sigurður Þórisson, Garðar Þórisson og Óskar Jónasson.